صوبہ ہزارہ کے حصول میں غیرت سب سے زیادہ اہمیت کی حامل ہے انجنئیر سلطان خان ۔ فدا حسین

ایبٹ آباد: ہزارہ کے غیرت مند اور غیور عوام آئندہ عام انتخابات میں فرسودہ نظام کے خلاف اٹھ کھڑے ہوں اگر عوام نے اس مرتبہ بھی نظام کی تبدیلی کے لئے جہاد نہ کیا تو پھر برائی ہمارے گھروں کی دیواریں پھلانگ کر ہمارے اندر داخل ہو جائے گی اٹک پار کے پیرو کاروں نے جو ہزارہ میں بستے ہیں ان کالی بھیڑوں نے ہماری عزت کو غیروں کے آگے فروخت کر دیا اٹک پار والوں نے ہم سے ہمارا وجود چھین لیا اور ہمیں مجبورکر دیا ہے کہ ہم اپنے وجود اور اپنی غیرت کی شناخت کیلئے اٹھ کھڑے ہوں ان خیالات کا اظہار تحریک صوبہ ہزارہ کے رہنما انجنئیر سلطان خان اور سیکرٹری جنرل فدا حسین اور حافظ عبدلاسلام نے دھمتوڑمیں ایک مشاورتی اجلاس سے خطاب کرتے ہوئے کیا انہوں نے کہا کہ صوبہ ہزارہ کے حصول میں غیرت سب سے زیادہ اہمیت کی حامل ہے کوئی بھی غیرتمند اور باشعور ہزارہ وال اپنے وجود کی نفی برداشت نہیں کر سکتا ہمارے وجود کی بقاء کے لئے صوبہ ہزارہ ضروری ہے اور ہزارہ وال قوم متحد ہو کر اپنے حقوق کی جنگ لڑے گی اس موقع پر علاقے کے عمائدین نے انجنیئر سلطان خان سے اپیل کی کہ وہ پی کے 44 سے آئندہ انتخابات میں حصہ لینے کا باقائدہ اعلان کریں اور ہزارہ وال قوم کو بھنور سے نکالنے میں اپنا کردار ادا کریں اس موقع پر عمائدین علاقہ نے کہا ہے کہ ہزارہ وال قوم ن لیگ اور پی پی یا کسی دوسری جماعت سے صوبہ ہزارہ کی خیرات نہیں لیں گے کیونکہ ہزارہ وال قوم کی غیرت اور آئندہ آنے والی نسلوں کی بقاء کا امتخاں ہے انہوں نے کہا کہ گذشتہ پیسٹھ سالوں کی روایات کو بدلنے کا وقت آ گیا ہے اور تحریک صوبہ ہزارہ آئندہ عام انتخابات میں سابقہ محرومیوں کا حساب لے گی ۔

ایبٹ آباد:مسلم لیگ ن کے امید واروں کو ٹکٹ جا ری

ایبٹ آباد(نما ئندہ ایبٹ نیوز) مسلم لیگ ن نے آمدہ عام انتخابات کے لیے ایبٹ آباد کے دو قومی اور پانچ صو با ئی حلقوں سے امید وار نا مزد کر کے انہیں با قا عدہ ٹکٹ جا ری کر دیے ہیں۔سر دار مہتاب ایک قومی اور ایک صو با ئی حلقے سے الیکشن لڑیں گے ۔پارٹی ذرا ئع کے مطا بق ن لیگ نے این اے 17 سے سا بق وزیر اعلیٰ سر دار مہتاب احمد خان،این اے 18 سے مرتضیٰ جا وید عبا سی،پی کے 44 سے عنا یت اللہ خان جدون، 45 سے سر دار مہتاب، 46 سے ایوب آفریدی، 47 سے سر دار اورنگزیب نلو ٹھہ جبکہ پی کے 48 سے بیرسٹر جا وید عبا سی کو ٹکٹ کا اجرا کیا ہے۔اس حو الے سے جمعرات کو یہاں مسلم لیگ ن کے انتخا بی دفتر میں ایک خصوصی پریس بریفنگ کا اہتمام کیا گیا جس میں امید وا روں کا با قا عدہ اعلان کیا گیا۔پارٹی قیا دت کے اعلان کے سا تھ ہی ن لیگ کے امید وا روں نے اپنے اپنے حلقوں سے انتخابی مہم کا اغاز کر دیا ہے اور انہیں و رکروں اور عہد یدا روں کی جانب سے مبا رکباددینے کا سلسلہ بھی جا ری ہے۔مسلم لیگ ن کے نا مزد امید وا روں نے عوامی حما یت کے حصول کے لیے مختلف علا قوں میں جلسے بھی تر تیب دے دیے ہیں۔

تحریک انصاف نے امید وا روں کو ٹکٹ جا ری کر دیے

ایبٹ آباد(نمائندہ ایبٹ نیوز)باخبر ذرا ئع کے مطا بق تحریک انصاف نے ایبٹ آباد میں آمدہ عام انتخا بات کے لیے مختلف امید و اروں کوٹکٹ جا ری کر دیے ہیں۔ذرا ئع کا کہنا ہے کہ پارٹی نے این اے 17 سے سا بق امید وا ر قومی اسمبلی ڈاکٹر اظہر جدون،این اے 18 سے سا بق ڈپٹی اسپیکر قومی اسمبلی سر دار یعقوب،پی کے 44 سے آصف زبیر شیخ، 45 سے عبد الرحمان عبا سی، 46 سے سجاد اکبر خان، 47 سے نثار صفدر خان اور 48 سے سر دار یعقوب کوامید وار نامز د کیا گیا ہے ۔واضح رہے کہ پی کے 46 سے قبل ازیں قلندر لو دھی کا نام لیا جا رہا تھا جبکہ این اے 17 سے علی اصغر خان متوقع امید وار تھے تاہم خبریں اس کے بر عکس ہیں۔تحریک انصاف کے ایک عہد یدا ر نے میڈیا کے را بطہ کر نے پر بتا یا کہ فی الوقت امید وا روں کے نا موں کو حتمی شکل نہیں دی گئی اور نہ ہی ٹکٹوں کے اجرا کے معا ملے میں کو ئی واضح پیش رفت ہو ئی ہے۔انہوں نے کہا کہ پارٹی قیا دت نے جسے بھی امید وا ر نامز د کیا ،ورکر اور عہد یدا ر اسے تسلیم کریں گے۔

با با حیدر زمان قومی اسمبلی کے دو حلقوں سے الیکشن لڑیں گے

ایبٹ آباد:تحریک صوبہ ہزارہ پاکستان نے انتخابات 2013 کے لئے اپنے امیدواروں کا اعلان کر دیا قائد تحریک بابا حیدر زمان قومی اسمبلی کے د و حلقوں این اے 17 اور این اے 18 ایبٹ آباد سے الیکشن لڑیں گے ۔حلقہ این اے 19 ہری پور میجر جمیل احسن کیانی حلقہ این اے مانسہرہ سے فخر عالم المعروف حضرت گل جبکہ ایبٹ آباد کی صوبائی اسمبلی کی نشتوں پر حلقہ پی کے 44 انجنئیر سلطان خان ،پی کے 47 اسلم ذر خان جدون اور اعجاز زر خان جدون جبکہ حلقہ پی کے 45 اور 46 کے لئے مختلف امیدواروں کی سیکروٹنی جاری ہے جبکہ ضلع ہری پور کی دو نشستوں پی کے 49 اور پی کے 52 کے لئے میجر (ر)جمیل احسن کیانی پی کے 49 اور پی کے 52 ڈاکٹر محمد فہد کو تحریک صوبہ ہزارہ نے ٹکٹ جاری کر دےئے جبکہ ضلع مانسہرہ میں صوبائی اسمبلی پی کے 53 کے لئے عارف انقلابی کو تحریک صوبہ ہزارہ کا ٹکٹ جاری کر دیا گیا ہے اس کے علاوہ ضلع مانسہرہ کے دیگر حلقوں کے امیدواروں کے لئے مشاورت جاری ہے جبکہ ایبٹ آباد کے حلقہ پی کے 48 کے لئے متعدد امیدواروں نے ٹکٹ کے لئے درخوستیں دے رکھی ہیں اس ضمن میں آج فیصلہ کر لیا جائے گا ۔

طور غراور کوہستان میں طالبات کیلئے1500روپے وظیفے کا اعلان

پشاور…وزیراعلیٰ خیبر پختونخوا امیر حیدر خان ہوتی نے کہا ہے کہ حکومت تعلیم کے فروغ کو بھرپور اہمیت دے رہی ہے اور اس مقصد کے لئے تمام دستیاب وسائل بروئے کار لائے جارہے ہیں،عبدالولی خان یونیورسٹی مردان میں لیپ ٹاپ تقسیم کرنے کے موقع پر خطاب کرتے ہوئے ان کا کہنا تھا کہ لیپ ٹاپ خالصتا ًمیرٹ کی بنیاد پر ذہین طالب علموں کو دیئے جارہے ہیں اور اس میں کوئی سیاسی مداخلت یااقرباپروری نہیں ہوگی۔ اپنے دور میں 74 نئے کالج قائم کئے اور جن دور دراز علاقوں میں سرکاری اسکول نہیں بنے ہیں وہاں پرائیویٹ اسکول بنا رہے ہیں ۔ ان اسکولوں میں پڑھنے والے طلباء کی فیس حکومت برداشت کرے گی۔ضلع طورغر اور کوہستان تعلیم کے لحاظ سے پسماندہ ہیں جو والدین اپنی لڑکیوں کو اسکول بھیجنے پر آمادہ ہوں گے انہیں ماہانہ 15 سو روپے وظیفہ دیا جائے گا اور جو لڑکیاں پانچویں سے میٹرک تک تعلیم حاصل کررہی ہیں ان کے والدین کو دو ہزار روپے معاوضہ دیا جائے گا۔

ہریپور، 371اساتذہ مردانہ 242اساتذہ زنانہ کی سکیل نمبر سولہ میں پروموشن کا نوٹیفیکشن جاری

ہری پور،ضلع ہریپور کے مختلف کیڈرز کے 371اساتذہ مردانہ 242اساتذہ زنانہ کی سکیل نمبر سولہ میں پروموشن کا نوٹیفیکشن جاری ، ڈائریکٹر ایجوکیشن اور انکی ٹیم سمیت ڈی او ایجوکیشن زنانہ و مردانہ ہریپور اور انکے سٹاف کو پروموشن کا عمل مکمل کرنے پر خراج تحسین ، تفصیلات کے مطابق ضلع ہریپور کے 188سی ٹی اساتذہ کے مردانہ 104سٹی تی اساتذہ زنانہ ، ڈی ایم 52مردانہ ، 36زنانہ، پی ای ٹی 48مردانہ ، 28زنانہ ، اے ٹی 48مردانہ ، 37زنانہ ٹی ٹی 35مردانہ اور 37زنانہ اساتذہ کو سکیل نمبر سولہ میں پروموشن کا باضابطہ نوٹیفیکشن جاری کر دیا گیا ہے تنظیم اساتذہ کے رہنما شاہد محمود گوہر نے صوبائی محکمہ تعلیم کے زمہ داران کی جانب سے پروموشن کے عمل کو ہنگامی بنیادوں پر مکمل کرنا احسن اقدام قرار دیا ہے نئے پروموشن پانے والے اساتذہ کو ہائی اور ہائیر سکینڈری سکولوں میں ہی ایڈجسمنٹ کیا جائے گا جبکہ مڈل سکولوں میں پروموشن پانے والے اساتذہ کو قریب ترین ہائی ہائیر سکینڈری سکولوں میں ایڈجسمنٹ کیا جائے گا ضلع ہریپور کے 510پی ایس ٹی اساتذہ کو سکیل نمبر 15اور پی ایس ٹی 559اساتذہ کو سکیل نمبر 14میں پروموشن کا نوٹیفیکشن اگلے چند روز میں جاری کر دیا جائے گا ، اور قاری اساتذہ کی پروموشن کو نوٹیفیکشن بھی فروری کے آخر تک جاری ہو گا ۔

ونڈ فال کے نام پر جنگلات کا صفایا کیا جا رہا ہے

ایبٹ آباد، ونڈ فال کے نام پر نگری بالا میں قیمتی درختوں کی کٹائی کا سلسلہ عروج پر پہنچ گیا۔ رینج آفیسر سے لیکر چوکیدار تک درختوں کی غیر قانونی کٹائی میں ملوث نکلے۔ تفصیلات کے مطابق نگری بالا کے مکینوں نے ”آئی این بی“ کو بتایا کہ بگنوتر رینج کے عہدیداروں کی ملی بھگت سے ونڈ فال کے نام پر جنگلات کا صفایا کیا جا رہا ہے۔ نگری بالا کمپارٹ نمبر تین میں صرف بیس درخت گرے تھے۔ جبکہ ٹمبر مافیا کے ساتھ مل کر ان لوگوں نے سینکڑوں درختوں کی کٹائی شروع کررکھی ہے۔ جس کی وجہ سے قیمتی جنگلات کا صفایا ہو چکا ہے۔ چھوٹے درختوں کو بھی بیدردی سے کاٹا جا رہا ہے۔ نگری بالا کے مکینوں نے انتظامیہ سے مطالبہ کیا ہے کہ درختوں کی کٹائی میں ملوث افراد کے خلاف قانونی کاروائی کرکے انکو قرار واقعہ سزا دی جائے۔

ہری پو ر پولیس با بر زیب کی گرفتاری کیلئے اسلام آباد پہنچ گئی

ہری پور،ہری پو ر پولیس با بر زیب کی گرفتاری کیلئے اسلام آباد پہنچ گئی ،ناکام واپس لو ٹ آئی ،،تفصیلا ت کے مطابق گذشتہ ہری پو ر پولیس کی چھاپہ مار ٹیم نے سرمایہ کار ی کے نام پر اربوں روپے کے مبینہ غبن کے مرکزی کر دار با بر زیب کی گرفتاری کیلئے اسلام آباد میں مختلف مقاما ت پر چھاپے مار ے ،اس چھاپہ مار ٹیم کی قیادت ASIعمر خطاب کر رہے تھے ،واضح رہے کہ با بر زیب کیخلا ف تھانہ سٹی میں نصف درجن سے زائد فراڈ کے مقدمات درج کئے جا چکے ہیں جبکہ اس کے کنٹری منیجر سمیت متعدد ساتھی گرفتار ہو کر جیل پہنچ چکے ہیں تا ہم پولیس تا حال اس کیس کے مرکزی ملزم با بر زیب کو گرفتار کر نے میں مکمل ناکام ہو چکی ہے

دہشت گرد گردکارروائیاں ایک ہی گروہ کررہا ہے، علامہ عباس کمیلی

کراچی…جعفریہ الائنس کے سربراہ علامہ عباس کمیلی کا کہنا ہے کہ معلوم ہوتا ہے انتخابات ملتوی کرانے کے لئے دانستہ طور پر ملک میں خانہ جنگی کرانے کی کوشش کی جارہی ہے ،دہشت گرد گردکارروائیاں ایک ہی گروہ کررہا ہے۔کراچی میں اپنی رہائش گاہ پر پریس کانفرنس کرتے ہوئے علامہ عباس کمیلی نے کہا کہ گزشتہ چار سالوں میں کوئٹہ اور کراچی میں شیعوں کی نسل کشی عروج پر پہنچ چکی ہے ،سندھ اور بلوچستان کی صوبائی حکومتیں اورقانون نافذ کرنے والے ادارے پوری طرح ناکام ہوچکی ہیں۔اُن کا کہناتھاکہ سوات کی طرح کوئٹہ اور کراچی میں فوج کے ذریعے کارروائی نہ کی گئی تو پھر ایسا نہ ہو کہ ملک مزید ٹکڑوں میں بٹ جائے ، انہوں نے کہا دہشت گرد نہ شیعہ ہیں نہ سنی۔علامہ عباس کمیلی نے مزید کہا کہ معلوم ہوتا ہے انتخابات ملتوی کرانے کے لئے دانستہ طور پر ملک میں خانہ جنگی کرانے کی کوشش کی جارہی ہے اگر انتخابات وقت پر کرانا مقصود ہے تو دہشت گردی کا خاتمہ فی الفور ضروری ہے علامہ عباس کمیلی نے کہا کہ دہشت گردی کا سلسلہ نہ رُکا تو ملت جعفریہ کی نسل کشی کے خلاف اقوام متحدہ اور دیگر بین الاقوامی اداروں سے رجوع کرنے پر بھی مجبور ہوں گے ۔

سانحہ کوئٹہ پر ملک کے مختلف شہروں میں ہڑتال ، دھرنے اورریلیاں

کراچی…سانحہ کوئٹہ پر ملک کے مختلف شہروں میں ہڑتال،دھرنے اور احتجاجی ریلیاں نکالی جارہی ہیں۔حیدرآبادمیں شیعہ علما کونسل اور مجلس وحدت مسلمین کے تحت ریلی نکالی گئی اور پریس کلب کے باہردھرنا دیاگیا جبکہ شہر کے مختلف علاقوں میں نامعلوم افرادنے ہوائی فائرنگ کرکے دُکانیں اور کاروباری مراکز بند کرادیئے۔ضلع نواب شاہ کے چھوٹے بڑے شہروں میں ہڑتال کی جارہی ہے۔جبکہ پریس کلب کے سامنے احتجاج اور دھرنے کا سلسلہ بھی جاری ہے۔اوباڑو، ڈہرکی اور گھوٹکی میں بھی احتجاج کیا گیا اور سانحہ کوئٹہ میں جاں بحق افراد کی غائبانہ نماز جنازہ ادا کی گئی۔خیرپورمیں احتجاجی ریلی نکالی گئی۔مظاہرین نے قاتلوں کی گرفتاری کامطالبہ کیا۔جیکب آباد میں پریس کلب کے سامنے دھرنادیاگیا۔مٹھی میں جعفریہ اسٹوڈنٹس آرگنائزیشن کی جانب سے ،ٹنڈو باگومیں شیعہ علماکونسل اورمجلس وحدت مسلیمن کی اپیل پر ہڑتال کی جارہی ہے۔ملتان میں کربلا شاہ شمس سے نواں چوک تک احتجاجی ریلی نکالی گئی۔سرگودھا میں بھی احتجاجی ریلی نکالی گئی۔اسکردومیں انجمن امامیہ اوروحدت مسلیمن کی اپیل پر ہڑتال کی جارہی ہے اس دوران کیے گئے احتجاج میں مظاہرین نے کوئٹہ کو فوج کے حوالے کرنے کا مطالبہ کیا۔