آج رات اہل خانہ کو وصیت کرونگا، ڈاکٹر طاہرالقادری

لاہور…تحریک منہاج القرآن کے سربراہ ڈاکٹر طاہرالقادری نے کہا ہے کہ آج رات اپنی بیوی اور بچوں کو وصیت کروں گا اور انہیں بتاوٴں گا اگر مجھے قتل کر دیا جائے تو انہیں کیا کرنا ہے۔ لاہور میں نیوز کانفرنس کے دوران انہوں نے کہا کہ پتا نہیں لانگ مارچ کے بعد زندہ رہوں گا یا نہیں، آج رات اپنے اہل خانہ کو اکٹھا کروں گااور نہیں بتاوٴں گا اگر مجھے قتل کر دیا جائے تو انہیں کیا کرنا ہے۔ڈاکٹر طاہرالقادری نے کہا کہ عوام کا ٹھاٹھیں مارتا ہوا سمندر لیکر نکلوں گا ، عوام کی فتح کا سورج طلوع ہونے تک مارچ جاری رہے گا ۔انہوں نے کہا کہ حکمران دہری چال چل رہے ہیں ۔